Mailtrack for Gmail & Inbox: Email tracking

நீங்கள் அனுப்பும் மின்னஞ்சல் வாசிக்கப்பட்டு விட்டதா..? என்பதை அறிந்து கொள்ள

மின்னஞ்சலானது தற்கால தகவல் பரிமாற்றத்தில் தவிர்க்க முடியாத ஓர் அம்சமாகிவிட்டது. எனினும் சில வேளைகளில் அசௌகரியங்கள் ஏற்படவே செய்கின்றன.

அவ்வாறானதொன்றே நாம் அனுப்பிய மின்னஞ்சல் படிக்கப்பட்டதா ?இல்லையா ? என்ற சந்தேகமாகும். அதனை தெரிந்து கொள்வதற்கு ஒரு வழியுள்ளது. மிகவும் இலகுவான படிமுறைகளைக் கொண்ட வழிமுறை இதுவாகும். 

அவ்வாறு அறிவதற்கு உதவுவது தான் Mail Track என்ற இந்த இணையத்தளம்.

• முதலில் Mail Track எனும் இந்த நீட்சியை உங்கள் இணைய உலாவிக்கு தரவிறக்கி நிறுவிக்கொள்க.
•  அதன் பின் உங்கள் மின்னஞ்சல் கணக்கிற்குள் நுழைந்து கொள்ளுங்கள்.
• இதன் போது Mail Track சேவையை உங்கள் கணக்கிற்கு செயற்படுத்த வேண்டுமா? என்றதொரு Pop Up Window தோன்றுவதனை அவதானிப்பீர்கள்.

• பின் அதில் ACTIVATE MAILTRACK என்பதனை அழுத்துங்கள்.
• அதன் பின்னர் SING IN WITH GOOGLE எனும் Window தோன்றும்  அதனையும் சுட்டுக.

• பிறகு புதியதொரு Window வில்  Mail Track சேவையினை உங்கள் Gmail கணக்கிற்கு செயற்படுத்துவதற்கான உங்கள் அனுமதியை கேட்கும் (கீழே படத்தில் உள்ளவாறு)

• அதில் Accept என்பதனை அலுத்துக.

அவ்வளவுதான் Mail Track சேவை உங்கள் Gmail கணக்கிற்கு செயற்படுத்தப்பட்டு விட்டது.

இனி நீங்கள் மின்னஞ்சல் ஒன்றினை அனுப்பும் போது அதற்கு சிறியதொரு Tick அடையாளம் இடப்படும். பின் அந்த மின்னஞ்சல் படிக்கப்பட்டால் அதற்கு இன்னுமொரு Tick அடையாளமும் இடப்படும்.

இருமுறை Tick செய்யப்பட்ட அந்த அடையாளத்துக்கு அருகில் Cursor ஐ நகர்த்துவதன் மூலம் அது எவ்வளவு நேரத்து முன் படிக்கப்பட்டது என்பதனை அறிந்து கொள்ளலாம்.

• மேலும் நீங்கள் புதியதொரு மின்னஞ்சலை உருவாக்கும் போது தோன்றும் Window வில்  இந்த Mail Track அடையாளத்தை சுட்டுவதன் மூலம் உங்கள் மின்னசல் படிக்கப்பட்டவுடன் அதனை அறிந்து கொள்ளும் வகையில் ஒரு மின்னஞ்சலை பெற்றுக்கொள்ளவும் முடியும்.

நன்றி 

இந்த தகவல் பயனுள்ளதாக இருந்தால் உங்களின்  நண்பர்களுக்கும் பகிர்ந்து கொள்ளுங்கள்.